ხშირად დასმული შეკითხვები

Google Ads (ადრინდელი Google AdWords და Google AdWords Express) ონლაინ რეკლამის გადაწყვეტაა, რომელსაც იყენებენ ბიზნესები თავიანთი პროდუქტებისა და სერვისების დასაწინაურებლად Google Search-ში, YouTube-ში და სხვა საიტებზე ვებში. აგრეთვე, Google Ads საშუალებას აძლევს რეკლამის განმთავსებლებს, აირჩიონ კონკრეტული მიზნები მათი რეკლამებისთვის, როგორიცაა სატელეფონო ზარებისა ვებსაიტების ნახვების მოზიდვა. Google Ads ანგარიშით რეკლამის განმთავსებლებს შეუძლიათ ბიუჯეტისა და სამიზნეების პარამეტრების დაყენება და რეკლამების ნებისმიერ დროს დაწყება ან შეჩერება.

Google AdWords და Google AdWords Express ახალი, გაუმჯობესებული Google Ads-ის ადრინდელი სახელებია.

Google Ads-ის მუშაობა გულისხმობს თქვენი რეკლამის ჩვენებას, როდესაც ხალხი ონლაინ ეძებს იმ პროდუქტებსა და სერვისებს, რომლებსაც თქვენ სთავაზობთ. ჭკვიანი ტექნოლოგიის ეფექტურად გამოყენებით Google Ads გეხმარებათ, წარუდგინოთ რეკლამები თქვენს პოტენციურ კლიენტებს ზუსტად იმ მომენტში, როდესაც ისინი მზად არიან მოქმედებისთვის.

1. იწყებთ მიზნის არჩევით, რომელიც შეიძლება იყოს მეტი სტუმრის მიღება ვებსაიტზე ან მეტი სატელეფონო ზარის მიღება თქვენს ბიზნესში.
2. შემდეგ ირჩევთ გეოგრაფიულ რეგიონს, სადაც უნდა მოხდეს თქვენი რეკლამის ჩვენება. ის შეიძლება იყოს თქვენი ბიზნესიდან მცირე რადიუსში ან უფრო ფართო არეალი, მაგ. ქალაქები, შტატები ან მთელი ქვეყნები.
3. დაბოლოს, ჩამოაყალიბებთ თქვენს რეკლამას და დააყენებთ ყოველთვიური ბიუჯეტის ზედა ზღვარს.

როგორც კი თქვენი რეკლამა დამტკიცდება, ის გამოჩნდება ყოველთვის, როდესაც თქვენს სამიზნე რეგიონში მომხმარებლები მოძებნიან თქვენი პროდუქტის ან სერვისის მსგავს პროდუქტს ან სერვისს. თქვენ გადაიხდით მხოლოდ მაშინ, როდესაც მომხმარებლები ჩაერთვებიან თქვენს რეკლამაში, მაგალითად, დააწკაპუნებენ თქვენს რეკლამაზე ან დარეკავენ თქვენს ბიზნესში.

არსებობს Google Ads-ის სამი ძირითადი ტიპი:

• Search Network კამპანიები — ეს რეკლამები, როგორც წესი, ტექსტური ფორმისაა და შეიძლება გამოჩნდეს Google Search-ის შედეგების გვერდებზე, როდესაც ვინმე ეძებს თქვენი პროდუქტის ან სერვისის მსგავს პროდუქტს ან სერვისს
• Display Network კამპანიები — ეს რეკლამები, როგორც წესი, სურათის ფორმისაა და ნაჩვენებია ვებსაიტებზე ან აპებში, რომლებსაც სტუმრობენ თქვენი კლიენტები
• ვიდეო კამპანიები — ეს რეკლამები, როგორც წესი, 6 ან 15-წამიანი ვიდეოებია და ნაჩვენებია პირდაპირ YouTube კონტენტის წინ ან მის განმავლობაში

კამპანიების დამატებითი გაფართოებული ტიპების, მათ შორის, Shopping, App და სხვა კამპანიების შესახებ შეიტყვეთ მეტი აქ.

CPC (თითო დაწკაპუნების ღირებულება) ან PPC (თითო დაწკაპუნებაზე გადახდა) ნიშნავს, რომ რეკლამისთვის იხდით მხოლოდ იმ შემთხვევაში, თუ მასზე ვინმე დააწკაპუნებს.

რეკლამის სხვა მოდელებია:

• თითო ჩვენების ღირებულება. იხდით იმის მიხედვით, რამდენჯერაც მოხდება თქვენი რეკლამის ჩვენება (არა დაწკაპუნება)
• თითო ჩართულობის ღირებულება. იხდით, როდესაც მომხმარებელი შეასრულებს წინასწარ განსაზღვრულ ჩართულობას (მაგალითად, თქვენი ვიდეო რეკლამის ყურება)

თქვენი Google Ads-ის ღირებულება განისაზღვრება თქვენი ბიუჯეტის პარამეტრებით. Google Ads თითქმის ყველა ბიუჯეტით მუშაობს. თანხა ჩამოგეჭრებათ მხოლოდ მაშინ, როდესაც მომხმარებლები მოახდენენ ინტერაქციას თქვენს რეკლამასთან, მაგალითად, დააწკაპუნებენ თქვენი ვებსაიტის მოსანახულებლად ან დარეკავენ თქვენს ბიზნესში. Google Ads-ით არ არსებობს მინიმალური დანახარჯის მოთხოვნა და კონტრაქტის სავალდებულო ხანგრძლივობა — რეკლამების შეჩერება ნებისმიერ დროს შეგიძლიათ. დაწკაპუნების ან ზარის ღირებულება რამდენიმე ფაქტორს ეფუძნება. შეიტყვეთ მეტი აქ.

Google Ads-ის გამოყენების დასაწყებად დააწკაპუნეთ აქ რეგისტრაციისთვის. დაყენების ჩვენი ინტერაქტიული პროცესის მეშვეობით თქვენი პირველი რეკლამის შექმნას სულ რამდენიმე ნაბიჯით შეძლებთ. თუ რეგისტრაციისთვის დახმარება გჭირდებათ, ჩვენი Google Ads-ის ექსპერტები ხელმისაწვდომნი არიან თქვენი ახალი ანგარიშის დასაყენებლად და პირველი კამპანიის შექმნაშიც კი დაგეხმარებიან დამატებითი საფასურის გარეშე.